نكت تموت من الضحك

قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور
قال ليه خينا: إيوا فرتت ليا عافاك واحد تلاتة ديال ميل فوي

..........................

هادا واحد عندو واحد الكتكوت مفترس. كيديرو مع الدجاج كياكل ليه الدجاج. دارو مع الحوالا خرج ليه على الحوالا. دارو مع البقر، لقاه فرتك ليه البقر. الراجل طلع ليه الدم وهو يدي داك الكتكوت رماه ف الصحرا مللي دازو 3 ايام، الراجل بقى فيه الكتكوت قال يمشي يطل عليه. مللي وصل للصحرا لقاه مرمي ف الرملة والنسور كيحومو عليه. جرا عندو الراجل وقال ليه: مييييمتي الكتكوت ديالي مات
قال ليه الكتكوت : الله يعطيك الويل خرجتي ليا على البلان

.........................

واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟

............................

هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة

.............

واحد مبوق صرفقو صاحبو وهو يقول له: واش بصاح أولا كتفلا؟
قال ليه صاحبو: لا بصاح
قال لي المبوق: مزيان... حيت أنا ما كنحملش التفليات

.....................

هادا واحد التزم وولى كيحشم وبغى يتجوج
قالت ليه أمه: كيفاش بغيتي مرتك تكون أولدي؟
قال ليها: بغيتها والعياذ بالله والعياذ بالله والعياذ بالله تكون بحال نانسي عجرم

........................

واحد هبيل صايم واتصل ببرنامج الإهداأت قال ليهم: بغيت مقطع من أذان